கோதுமை அல்வா
தேவையான பொருட்கள் :
- கோதுமை மாவு - 1 கப்
- சீனி - 1 1 / 2 கப்
- நெய் - 1 கப்
- தண்ணீர் - தேவைகேற்ப
- ஏலக்காய் பொடி - 1 / 2 டீஸ்பூன்
- முந்திரி பருப்பு - 1 டேபிள்ஸ்பூன்
செய்முறை:
- கோதுமை மாவை சிறிது தண்ணீர் சேர்த்து இறுக்கமாக பிசைந்து தேவையான அளவு தண்ணீர் ஊற்றி 5 நிமிடங்கள் ஊற வைக்கவும்
- 5 நிமிடங்கள் கழித்து கோதுமை மாவை மெதுவாக பிழிந்து கோதுமை பால் எடுக்கவும்.மீண்டும்மீண்டும் தண்ணீர் சேர்த்து கோதுமை பால் எடுக்க வேண்டும்
- எடுத்து வைத்த கோதுமை பாலை ஜல்லடையில் வடித்து தெளிய விடவும்.
- அடி கனமான பாத்திரத்தில் கோதுமை பாலை சேர்த்து கை விடாமல் கிளறவும்
- 1 கப் அளவு சர்க்கரையை கோதுமை பால் நன்றாக வெந்த பிறகு சேர்த்து கிளறவும்
- மற்றொரு பாத்திரத்தில் 1 / 2 கப் சீனியையும் 1 டேபிள்ஸ்பூன் நெய்யையும் சேர்த்து கேரமல் செய்துகொள்ளவும்
- செய்த கேரமலை அல்வாவில் சேர்த்து கிளறவும்
- நெய்யை சிறிது சிறிதாக அல்வாவில் சேர்க்கவும்
- 1 டேபிள்ஸ்பூன் நெய்யில் முந்திரிபருப்பை வறுத்து அல்வாவில் சேர்த்து கிளறவும்
- அல்வா பாத்திரத்தில் ஒட்டாமல் திரண்டு வரும்போது வேறு பாத்திரத்தில் மாற்றி சூடாக பரிமாறலாம்.
